Manchester United thuhet se nuk do t’i sigurojë Mason Greenwood këshillat ligjore pasi ai e kaloi natën në një qeli burgu.

“Djajtë e Kuq” e kanë pezulluar Greenwood nga ndeshjet dhe seancat stërvitore të klubit, pas akuzave të rënda të cilat u shfaqën të dielën.

Reprezentuesi anglez ka qenë një lojtar kyç për Manchester United në dy vitet e fundit, por karriera e tij në Old Trafford tani mund të jetë në dyshim serioz pasi duket se ata nuk po i ofrojnë mbështetje gjatë procedurave aktuale.

Greenwood është lënë të organizojë vetë përfaqësimin ligjor, ndërsa përgatitet të flasë me policinë për akuzat e forta të bëra nga ish e dashura e tij, Harriet Robson në rrjetet sociale.

Marrëveshjet e 20-vjeçarit me Nike mund të jenë gjithashtu në dyshim, pasi ata lëshuan një deklaratë të dielën duke thënë: “Ne jemi thellësisht të shqetësuar nga akuzat shqetësuese dhe do të vazhdojmë të mintorojmë nga afër situatën”.

Greeëood doli përmes akademisë së United përpara se të hynte në ekipin e parë disa vite më parë, po klubi tani ka deklaruar se ai nuk do të përfshihet në ndeshje apo stërvitje deri në njoftimin e dytë./Arbresh.info